Un pouco de historia
O Argentina Sunset Club nace como unha pequena churrería nos anos 70, cunha filosofía clara, levar un bo produto á beira da praia a veciños e veraneantes de Cabañas.
Co paso dos anos e o incremento da cultura de praia e sol, o local transformase ás mans da 2ª xeración familiar, dando un cambio radical orientándose a un café-bar que ofrece comidas na praia. É aquí cando se define o camiño que seguirá no futuro.
Xa en 2017 e ás mans da 3ª xeración, experimenta a súa maior transformación. Adáptase aos novos tempos, incorporando novas tecnoloxías, procesos, maquinaria e servizos que o transformarán dun chiringuito de praia nun gran restaurante na area, pero sempre mantendo o espírito de chiringuito e a súa filosofía arraigada en todas as súas décadas de historia.
O Argentina Sunset Club é o lugar que une a experiencia ao longo dos anos co mellor produto e un local adaptado aos tempos que corren, moderno, elegante e minimalista, cun servizo de 1ª que che fará sentir como en casa.
Paixón do equipo
O noso equipo mozo e dinámico está comprometido en proporcionar un servizo cálido e eficaz.
No Argentina Sunset Club, a paixón polo que facemos tradúcese en experiencias únicas e innovadoras con melloras constantes para sorprenderte cada día.
